Lənkəranda beş gün əvvəl avtomobilin vurduğu qadın xəstəxanada ölüb

Lənkəran. 12 sentyabr. REPORT.AZ/ Lənkəran rayonunda avtomobilin vurduğu qadın beş gün sonra xəstəxanada ölub. 

"Report"un Cənub bürosunun verdiyi məlumata görə, hadisə sentyabrın 7-də şəhərin Şəhidlər xiyabanı küçəsində qeydə alınıb. 

Belə ki, "Mercedes" markalı, 42 BN 209 dövlət qeydiyyat nişanlı minik avtomobili "Raypo" adlanan ərazidə yaşayan 1968-ci il təvəllüdlü Sevinc Sabir qızı Mirmövsümovanı vurub. Sürücü yaralını Lənkəran Rayon Mərkəzi Xəstəxanasına çatdırıb və o, Reanimasiya şöbəsinə yerləşdirilib. 

Faktla bağlı araşdırma aparılır.