Lənkəran rayonunda piyadanın ölümü ilə nəticələnən yol-nqəliyyat hadisəsi zamanı ölən şəxsin adı məlum olub.
"Report"un yerli bürosu xəbər verir ki, bu, rayon sakini 1980-cı il təvəllüdlü Məmmədov Rasim Əlimməmməd oğludur.
Onun meyiti müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Lənkəran şöbəsinə təhvil verilib. Onun 30-35 yaşlarında orta boylu kişi olduğu bildirilir.
*** 11:48
Lənkəran şəhərində avtomobil naməlum kişini vuraraq öldürüb.
"Report"un Cənub Mərkəzinin verdiyi xəbərə görə, hadisə gecə saatlarında Ələt-Astara magistral yolunun Lənkəran rayonunun Digah kəndi ərazisində keçən hissəsində baş verib.
Kənd sakini, 1997-ci il təvəllüdlü Qismət Şahraz oğlu Talıbov idarə etdiyi "Peugeot" markalı avtomobillə yolda hərəkət edən piyadanı vurub.
Vurulan şəxsin kimliyi hələ ki, müəyyən edilməyib.
Faktla bağlı rayon prokurorluğunda araşdırma aparılır.