Lənkəranda aptekin vitrin şüşələrinin üstünə yıxılan kişi ölüb - YENİLƏNİB - FOTO - VİDEO

Lənkəranda aptekin vitrin şüşələrinin üstünə yıxılan kişi ölüb - YENİLƏNİB - FOTO - VİDEO Fakt üzrə araşdırmalar davam etdirilir
Hadisə
336
27 İyul , 2017 11:41
Lənkəranda aptekin vitrin şüşələrinin üstünə yıxılan kişi ölüb - YENİLƏNİB - FOTO - VİDEO

Lənkəran. 27 iyul. REPORT.AZ/ Lənkəran şəhərində aptekdə üzərinə şüşə düşərək ölən şəxsin kimliyi məlum olub.

"Report"un Cənub bürosu xəbər verir ki, bu, rayonun Şovu kənd sakini Habil Sabir oğlu Zahidovdur. 

Belə ki, o aptekə dərman almaq üçün gəlib. Lakin lay şüşədən olan və üzərində heç bir işarəsi olmayan qapıya yaxınlaşıb, qapının açıq olduğunu zənn edərək içəri girmək istəyib. Bu zaman qapıda olan lay şüşə qırılıb və onun üstünə tökülüb. Nəticədə şüşə H.Zahidovun şah damarını kəsib və bədəninin müxtəlif nayihələrinə xəsarət yetirib.

Lənkəran Rayon Mərkəzi Xəstəxanasına çatdırılan yaralı orada ölüb. 


***11:09

Lənkəran. 27 iyul. REPORT.AZ/ Lənkəranda ölüm hadisəsi baş verib.

"Report"un Cənub bürosunun xəbərinə görə, hələlik kimliyi məlum olmayan 40-45 yaşlarında kişi aptekə gəlib və burada qəfildən vitrin şüşələrinin üstünə yıxılıb. Bu zaman o, çoxsaylı kəsik xəsarətləri alıb.

Yaralı Lənkəran Rayon Mərkəzi Xəstəxanasına çatdırılsa da, onun həyatını xilas etmək mümkün olmayıb.

Ölənin şəxsiyyəti müəyyənləşdirilir, fakt üzrə araşdırmalar davam etdirilir.

Son xəbərlər

Orphus sistemi