Yuxarı

Lənkəranda ağır qəza: 4 ölü, 1 yaralı - FOTO - YENİLƏNİB

İdarəetməni itirən avtomaşın yoldan çıxaraq şam ağaclarına çırpılıb

Bakı. 23 mart. REPORT.AZ/ Lənkəranda baş verən qəzada ölən və xəsarət alan vətəndaşların adı məlum olub.

"Report"-un məlumatına görə, hadisə yerində ölənlər: 1979-cu il təvəllüdlü İsmaylov İmran, 1995-ci il təvəllüdlü Cəbrayilov Əli, 1991-ci il təvəllüdlü Əliyev Səbuhi və 1988-ci il təvəllüdlü Hüseynov Elvindir. Hadisə  zamanı 1987-ci il təvəllüdlü Kənan Həsənov ağır bədən xəsarətləri alıb.

Sürücü Əlizadə Xansu hadisə yerindən qaçıb.

*** 21.49

Bakı. 23 mart. REPORT.AZ/ Lənkəranda ağır yol qəza hadisəsi baş verib. "Report"un məlumatına görə, hadisə zamanı 3 nəfərin öldüyü, 2 nəfərin ağır yaralandığı bildirilir.

Hadisə Lənkəran-Boradigah şosse yolunun Lənkəran şəhəri ərazisində, Ləvəngi dairəsinə yaxın ərazidə baş verib.

Şahidlərin sözlərinə görə Lənkəran istiqamətində yüksək sürətlə hərəkətdə olan "VAZ 21 099" markalı, 10 GJ 472 dövlət qeydiyyat nişanlı avtomaşın çayxanadan çıxan piyadaları vurub. İdarəetməni itirən avtomaşın yoldan çıxaraq şam ağaclarına çırpılıb. Nəticədə sürücü də daxil olmaqla 3 nəfərin öldüyü, 2 nəfərinsə vəziyyətinin ağır olduğu bildirilir.

Ölən və yaralananlar Lənkəran Rayon Mərkəzi Xəstəxanasına çatdırılıb.

Meyidlər aidiyyati üzrə Məhkəmə Tibbi Ekspertiza və Pataloji Anatomiya Birliyinin Lənkəran Şöbəsinə təhvil verilib.

Piyadaların Lənkəran şəhər sakinləri, sürücününsə Astara rayon sakini olduğu söylənilir. Faktla bağlı rayon Prokurorluğunda araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi