Yuxarı

Lənkəranda ər və arvadının meyiti tapılıb - FOTO

Lənkəranda ər və arvadının meyiti tapılıb - FOTO
Faktla bağlı araşdırma aparılır

Lənkəran. 22 noyabr. REPORT.AZ/ Lənkəran şəhərində ər və arvadının yaşadıqları evdə meyitləri tapılıb. 

"Report"un Cənub bürosunun verdiyi məlumata görə, Şəhidlər xiyabanı küçəsi 10 ünvanında yaşayan 1939-cu il təvəllüdlü Aydın və onun həyat yoldaşı 1941-ci il təvəllüdlü Azadə Allahverdiyevlərin üzərində xəsarətlər olan meyitləri aşkarlanıb.

Hüquq mühafizə orqanları hadisə yerini müayinə edib. Meyitlər Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə təhvil verilib. 

İlkin məlumatlara görə, Aydın Allahverdiyevin üz nahiyəsində əzilmiş-kəsilmiş xəsarətlər aşkarlanıb. Ölən şəxlərin hər ikisinin üz nahiyəsində qan izləri olub. 

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi