Lənkəranda 31 yaşlı kişi özünü asıb - YENİLƏNİB

Lənkəran. 17 fevral. REPORT.AZ/ Lənkəran şəhərində özünü asaraq intihar edən şəxsin adı məlum olub. 

"Report"un Cənub bürosunun məlumatına görə, bu, şəhərin Vaqif Hüseynov küçəsində yaşayan 19878-ci il təvəllüdlü Şahin Nurəddin oğlu İbrahimov.

Ş.İbrahimov özünü yaşadığı evin həyətindəki yarımtikilidə asaraq intihar edib.

Məlumata görə, intihar edən şəxs ailəli olub, bir müddət əvvəl uşağı dünyaya gəlib. 

Faktla bağlı Lənkəran rayon Prokurorluğunda 125.1 (özünü öldürmə həddinə çatdırma ) maddəsi ilə cinayət işi açılıb, araşdırma aparılır.

***12:18

Lənkəran şəhər sakini özünü asaraq intihar edib. 

"Report"un Cənub bürosu xəbər verir ki, hadisə şəhərin Vaqif Hüseynov küçəsində baş verib. 

Belə ki, həmin ünvanda yaşayan orta yaşlı kişi özünü yaşadığı evdə asaraq intihar edib. Hadisə yerinə hüquq mühafizə orqanlarının əməkdaşları baxış keçirib. Onun hansı səbəbdən intihar etməsinin səbəbləri hələlik məlum deyil.

Faktla bağlı araşdırma aparılır.