Yuxarı
    Bağlamaq

    Lənkəran sakininin nişanlısına söz atan şəxs onu bıçaqlayıb - FOTO

    Faktla bağlı araşdırmalara başlanılıb© Report.az

    Lənkəran. 20 aprel. REPORT.AZ/ Lənkəran şəhərində bıçaqlanma olub.

    "Report" un Cənub bürosunun verdiyi xəbərə görə, hadisə "Xan evi"nin qarşısında baş verib. 

    Belə ki, Lənkəran rayonunun Nərimanabad-1 qəsəbə sakini, 26 yaşlı Şahin İlham oğlu Əliyev bir neçə bıçaq yarası ilə Lənkəran Rayon Mərkəzi Xəstəxanasına çatdırılıb. 

    İlkin məlumata görə, münaqişə Ş.Əliyevin yanında olan nişanlısına qarşı tərəfin söz atması olub. Nəticədə iki tərəf arasında mübahisə yaranıb. Ş.Əliyevi bıçaqlayan şəxsin Şağlakücə kənd sakini Əlizadə Cavid Rəssam oğlu olduğu müəyyənləşib. Onun saxlanılması istiqamətində zəruri əməliyyat-axtarış tədbirləri görülür. 

    Faktla bağlı Lənkəran Şəhər Rayon Polis Şöbəsində araşdırmalara başlanılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi