Yuxarı

Lənkəran sakininin əkin sahəsindən 274 çətənə kolu aşkarlanıb - FOTO

Onun üzərində 1 kiloqram qurudulmuş marixuana və tüfəng olub

Lənkəran. 8 iyun. REPORT.AZ/ Lənkəran rayonunda axtarışda olan şəxsin əkin sahəsindən narkotik vasitələr aşkar olunub.

Bu barədə "Report"un Cənub bürosunun müxbirinə Lənkəran Şəhər-Rayon Polis Şöbəsindən (ŞRPŞ) bildirilib.

Məlumata görə, şöbənin Cinayət-Axtarış Bölməsinin əməkdaşlarının keçirdiyi əməliyyat tədbirləri zamanı rayonun Digah kənd sakini 34 yaşlı Anar Xubəli oğlu Məmmədova məxsus torpaq sahəsində 274 ədəd xüsusi aqrotexniki qulluq olunmuş çətənə kolları aşkar olunub.

A.Məmmədov saxlanılan zaman onun üzərindən 1 kiloqram qurudulmuş marixuana və 1 tüfəng aşkar olunub.

Saxlanılan şəxs əvvəllər məhkum olunub. Sonuncu dəfə oğurluq cinayətində şübhəli olduğu üçün axtarışda olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi