Laçın İcra Hakimiyyətinin Hüquq şöbəsinin müdiri: “Nə demişəmsə odur”

Laçın İcra Hakimiyyətinin Hüquq şöbəsinin müdiri: “Nə demişəmsə odur” “O sözü Fizuli deyir, o sözü Fizuli danışır, gerisi yoxdur”
Hadisə
473
28 Sentyabr , 2017 14:20
Laçın İcra Hakimiyyətinin Hüquq şöbəsinin müdiri: “Nə demişəmsə odur”

Ağcabədi. 28 sentyabr. REPORT.AZ/  "Məni işdən çıxarmayıblar, işdəyəm və öz işlərimlə məşğulam".

Bunu "Report"un Qarabağ bürosuna Laçın Rayon İcra Hakimiyyətinin (RİH) Hüquq şöbəsinin müdiri Fizuli Tanrıverdiyev deyib.

Şöbə müdiri bildirib ki, işdən çıxarılması ilə bağlı yayılan məlumat yanlışdır: "Qaçqın rayonuq, hər kəsin öz işi var. Məsəlçün bir yanlışlıq olub. Məgər bu yanlışlığa görə cavabdeh ümumi rayon və ya ümumi ölkədi? Adam heç öz doğma balasına cavabdeh ola bilmir. Mənim işdən çıxarılmağımla bağlı məlumatlar da yanlışdı. Nə çıxartmaq? Mən adam öldürüb cinayət törətməmişəm, rüşvət alıb korrupsiyaya bulaşmamışam ki, işdən çıxarsınlar. Əgər yenə də çıxaracaqlarsa dövlətimiz sağ olsun. Mən hər zaman demişəm, əgər etimadı doğrultmamışamsa bu mənim səhvimdi. O sözü ki, Fizuli deyir, o sözü ki, Fizuli danışır, gerisi yoxdur. Fizuli nə deyibsə odur. Bu gün də mən burdayam, bu gün də mən işdəyəm və öz işlərimlə məşğulam".

Laçın RİH-dən “Report”a bildirilib ki, Hüquq şöbəsinin müdiri ilə bağlı hər hansı cəza tədbiri görülməyib: “İcra hakimiyyətinin başçısı Aqil Nəzərli də açıqlamasında deyib ki, məsələ ilə bağlı lazımi ölçü götürüləcək. Hələlik belə bir şey yoxdur”.

Qeyd edək ki, F.Tanrıverdiyev özünün facebook profilində İraqın şimalında yerli hökumətin keçirdiyi "referendum"u dəstəkləyən fotolar yayıb. Onun hərəkəti facebook-da və mətbuatda ciddi tənqid olunub.

Son xəbərlər

Orphus sistemi