Kürdəmirdə biçilmiş taxıl sahəsi yanıb - FOTO

Kürdəmir rayonunda 1 hektar ərazidə biçilmiş taxıl sahəsi yanıb.

"Report"un Yuxarı-Şirvan bürosu xəbər verir ki, hadisə günorta saatlarında rayonun Çöhranlı kəndində, kənd bələdiyyəsinə məxsus ərazidə baş verib.

Əraziyə FHN-in Kürdəmir Yanğın Mühafizə Xidmətinin texnika və şəxsi heyəti cəlb olunub. Yanğının digər ərazilərə keçməsinin qarşısı alınıb.

Fakt araşdırılır.