Kürdəmirdə 2 otaqlı ev yanıb

Bakı. 12 iyul. REPORT.AZ/ Kürdəmir rayonunda yanğın baş verib. “Report” Fövqəladə Hallar Nazirliyinin (FHN) rəsmi saytına istinadən xəbər verir ki, hadisə Yenikənd kəndində qeydə alınıb.

Məlumata görə, vətəndaşa məxsus ümumi sahəsi 112 kv.m olan birmərtəbəli 2 otaqlı evin yanar konstruksiyaları yanıb. Yaxınlıqdakı tikililər yanğından mühafizə olunub. Yanğın saat 20:55-də söndürülüb.