Yuxarı

Klub rəhbəri: "Alpinistlərin axtarışları hələ nəticə verməyib"

Klub rəhbəri: "Alpinistlərin axtarışları hələ nəticə verməyib"
Ziya Qasımov: Axtarışlar Mahmuddərə ərazisində davam edir
© Report/ Elshan Baba

Bakı. 23 yanvar. REPORT.AZ/ "İtkin düşən alpinistlərin yerini müəyyən etmək üçün axtarışlar Mahmuddərə ərazisində davam edir".

Bunu "Report"a açıqlamasında "Gilavar" Hava-Ekstremal İdman Klubunun rəhbəri Ziya Qasımov deyib.

O bildirib ki, indiyə qədər alpinistlərlə bağlı heç bir izə rast gəlinməyib: "Hələ ki, axtarışlar nəticə verməyib".

Klub direktoru xatırladıb ki, alpinistlərin axtarışı ilə Fövqəladə Hallah Nazirliyinin, Ekologiya və Təbii Sərvətlər Nazirliyinin əməkdaşları, federasiyanın könüllüləri məşğul olur.

Qeyd edək ki, keçən ilin dekabrın 23-də “Şahdağ” Milli Parkı ərazisində yerləşən “Tufandağ” zirvəsi istiqamətində yürüşə çıxmış “Gilavar” hava və ekstrim idman klubunun 3 üzvü (Babur Hüseynov, Namin Bünyatov və Fəridə Cəbrayılzadə) geri qayıtmayıb və onlarla əlaqə kəsilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi