Keşlədə yolu keçmək istəyən oğlanı avtomobil vurub

Bakı. 29 yanvar. REPORT.AZ/ Paytaxtın Nizami rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

"Report"un xəbərinə görə, 1998-ci il təvəllüdlü Səlimov Elşən Elşən oğlu Keşlə qəsəbəsində yolu keçərkən onu "Hyundai" markalı avtomobil vurub.

Yaralı sürücünün köməkliyi ilə xəstəxanaya yerləşdirilib. Həkimlərin verdiyi məlumata görə, xəsarət alan şəxsin vəziyyəti orta-ağır olduğundan o xəstəxananın reanimasiya şöbəsinə yerləşdirilib.

Faktla bağlı Nizami Rayon Polis İdarəsi tərəfindən araşdırma aparılır.