Yuxarı
    Bağlamaq

    ​Keçmiş MTN generalının vəkili barəsində cinayət işi başlanıb - EKSKLÜZİV

    Onun üzərinə baxış zamanı mobil telefon aşkarlanıb

    Bakı. 24 may. REPORT.AZ/ Vəkil Arif Rəsulov barəsində cinayət işi açılıb.

    "Report"un əldə etdiyi məlumata görə, Bakı İstintaq Təcridxanasında ləğv edilmiş Milli Təhlükəsizlik Nazirliyinin (MTN) Monitorinq Mərkəzinin rəisi, general mayor Teymur Quliyevlə görüş zamanı vəkilin üzərinə baxış keçirilərkən mobil telefon aşkarlanıb.

    İşlə bağlı Ədliyyə Nazirliyinin İstintaq İdarəsində ekspertiza təyin edilib. Daha sonra A.Rəsulovun barəsində Cinayət Məcəlləsinin 317-1.2-ci (cəzaçəkmə müəssisələrində və ya istintaq təcridxanalarında saxlanılan şəxslərə qadağan olunmuş əşyaların verilməsi və ya ötürülməsi, eyni əməllər şəxs tərəfindən öz qulluq mövqeyindən istifadə etməklə törədildikdə) maddəsi ilə cinayət işi başlanıb.

    Qeyd edək ki, A.Rəsulov 13 saylı hüquq məsləhətxanasının rəhbəridir.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi