Yuxarı

​Keçmiş arvadını öldürməkdə təqsirləndirilən şəxsin apellyasiya şikayətinə baxılıb

Məhkəmə apellyasiya şikayətini təmin etməyib

Bakı. 22 dekabr. REPORT.AZ/ Bakı Apellyasiya Məhkəməsində keçmiş arvadını öldürməkdə təqsirləndirilən Samir Əliyev barəsində verilmiş apellyasiya şikayəti üzrə məhkəmə keçirilib.

"Report"un məlumatına görə, hakim Mirpaşa Hüseynovun sədrliyi ilə keçirilən iclasda qərar elan olunub.

Qərara əsasən, S.Əliyevin apellyasiya şikayəti təmin edilməyib.

Qeyd edək ki, S.Əliyevin vəkili Ceyhun Yusifov həbsdə olan şəxsin hüquqlarının qadağan edilməsi ilə bağlı apellyasiya şikayəti verib.

Vəkil "Report"a açıqlamasında bildirib ki, S.Əliyev həbsindən sonra Baş Prokurorluğun Ağır Cinayətlərə Dair İstintaq İdarəsində onun təqsirli bilindiyi qətl işi üzrə Aslan İbrahimovun rəhbərliyi ilə istintaq qrupu araşdırmalara başlayıb: "İstintaq müddətində Samir Əliyevi ailə üzvləri, hətta bir yaşlı körpəsi ilə görüşməsini məhdudlaşdırıblar. Guya, bu, istintaqa təsir edə bilər".

Xatırladaq ki, bu il iyulun 6-da Bakı-Quba yolunun 55-ci kilometrliyində, yolun sağ hərəkət hisəsəsində yandırılmış naməlum qadın meyiti tapılıb. Öldürülən qadının Bakı sakini, 1981-ci il təvəllüdlü Natəvan Əliyeva olduğu müəyyən edilib. Üç uşaq anası olan 34 yaşlı N.Əliyeva paytaxtda fəaliyyət göstərən xəstəxanaların birində həkim işləyib. Qətldən bir neçə gün əvvəl - iyulun 26-da onun itkin düşməsi barədə yaxınları tərəfindən Xətai Rayon Polis İdarəsinə ərizə daxil olub. Meyit tapılandan bir neçə gün sonra N.Əliyevanın keçmiş həyat yoldaşı, sabiq polis işçisi Samir Səməndər oğlu Əliyev şübhəli şəxs kimi saxlanılaraq istintaqa cəlb olunub.

S.Əliyevə Cinayət Məcəlləsinin 120.2.4-cü (xüsusi amansızlıqla adam öldürmə) maddəsi ilə ittiham irəli sürülərək Nəsimi Rayon Məhkəməsi tərəfindən barəsində 2 ay müddətinə həbs qətimkan tədbiri seçilib. Daha sonra onun barəsində seçilmiş həbs qətimkan tədbiri bir neçə dəfə uzadılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi