Kabildə dövlət qulluqçularının avtobusu partladılıb, ölənlər və yaralananlar var

Əfqanıstanın paytaxtı Kabildə ölkənin Kommunikasiya və İnformasiya Texnologiyaları Nazirliyi əməkdaşlarının olduğu avtobus partladılıb.

“Report” xəbər verir ki, bu barədə “RİA Novosti” məlumat yayıb. Məlumata görə, hadisə zamanı 6 nəfər həlak olub, daha 16 nəfər yaralanıb.

Daha əvvəl “Tolo News” telekanalı hadisə nəticəsində 3 nəfərin həlak olduğunu, 12 nəfərin xəsarət aldığını xəbər verib.

Partlayışa görə məsuliyyəti hələ heç bir qruplaşma üzərinə götürməyib.