İsmayıllıda zəncirvari yol qəzası olub, xəsarət alan var

İsmayıllı rayonunda dörd avtomobilin iştirakı ilə zəncirvari yol qəzası baş verib.

"Report"un Yuxarı Şirvan bürosu xəbər verir ki, hadisə Qaraməryəm-Şəki avtomobil yolunun rayonun Basqal kəndi ərazisindən keçən hissəsində qeydə alınıb.

Belə ki, "QAZ-52", "VAZ-2107", "Lada 099" və "Mercedes" markalı avtomobillər toqquşub.

Nəticədə "QAZ-52"nin sürücüsü müxtəlif dərəcəli bədən xəsarətləri alıb.

Hazırda faktla bağlı araşdırma aparılır.