İsmayıllıda karantin qaydalarını pozan çay evi aşkarlandı

İsmayıllı Rayon Polis Şöbəsi əməkdaşlarının keçirdikləri növbəti tədbirlər zamanı rayon ərazisində çay evlərinin birində xüsusi karantin rejiminə və sanitar-gigiyena qaydalarına zidd olaraq, müştərilərə qəlyan xidməti göstərilməsi, həmçinin, sosial məsafənin və mövcud preventiv tədbirlərin şərtlərinin pozulması halları aşkarlanıb.

"Report"un xəbərinə görə, karantin qaydalarının pozulduğu həmin obyektin sahibi Ömərov İmran Füzuli oğlu və 17 nəfər müştəri rayon Polis Şöbəsinə dəvət olunaraq həmin şəxslərlə profilaktik söhbətlər aparılıb, karantin rejiminin qaydaları və tələbləri bir daha izah edilib.