İmişlidə “QAZel” aşıb, xəsarət alan var

İmişlidə xəsarətlə nəticələnən yol-nəqliyyat hadisəsi olub.

“Report”un Aran bürosunun məlumatına görə, hadisə Bəhramtəpə qəsəbəsində qeydə alınıb. Belə ki, “QAZel” markalı yük maşını hərəkətdə olarkən idarəetmədən çıxıb. Nəticədə avtomobil yol kənarına aşıb.

Qəza nəticəsində Şirvan şəhər sakini, 1985-ci il təvəllüdlü Əhmədov Emin Əliqardaş oğlu müxtəlif xəsarətlər alıb.

Faktla bağlı araşdırma aparılır.