Yuxarı

​Azərbaycan vətəndaşı 100 ildən sonra qohumlarını tapıb

“Nəhayət, illərlə çəkdiyim ağrı-acıya, həsrətə son qoyuldu”

Bakı. 24 avqust. REPORT.AZ/ Azərbaycan vətəndaşı 100 ildən sonra qohumlarını tapıb. “Report”un məlumatına görə, qohumlarını uzun müddətdən sonra tapan şəxs hazırda Goranboy rayonu, Xoylu kəndində yaşayan Müzəffər İsmayılovdur.

M.İsmayılovun atası Hətəm İsmayılov 1915-ci ildə Dərələyəz mahalının Canı kəndindən qaçqın düşüb.

Onun ailəsi, o cümlədən əmiləri Alşan, Tahir, Vilayət 1915-ci ildə erməni talanları nəticəsində ata-baba yurdlarından didərgin düşüblər. Həmin vaxtdan bütün nəsil Azərbaycanın müxtəlif bölgələrinə səpələnib. Lakin M.İsmayılov hər zaman qohumlarını axtarıb tapmağa çalışıb. “Xocalının səsi” qəzetinin redaksiyasına müraciət edən Müzəffər İsmayılov qəzet sayəsində uzun axtarışlardan sonra əmisi uşaqları Yaşar, Zahid, Küşvarə, Dürdanə və Həqiqətin bir müddət Şuşa rayonunun Malıbəyli kəndində yaşadıqlarını müəyyənləşdirib. Sonra isə onların Abşeron rayonunun Novxanı kəndində məskunlaşdıqlarını öyrənib. 

“Nəhayət, illərlə çəkdiyim ağrı-acıya, həsrətə son qoyuldu - əziz qohumlarıma qovuşdum”, - M.İsmayılov bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi