Yuxarı

İsveçdən çıxarılmış Azərbaycan vətəndaşı Finlandiya-Rusiya sərhədində tutulub

İsveçdən çıxarılmış Azərbaycan vətəndaşı Finlandiya-Rusiya sərhədində tutulub

O, lazımi sənədləri olmadığı üçün İsveçdən deportasiya edilib

Bakı. 15 may. REPORT.AZ/ Finlandiya sərhədçiləri bir vaxtlar saxta sənədlər əsasında Avropa İttifaqında yaşamış və qatarla Rusiya ərazisinə keçmək istəyən Azərbaycan vətəndaşını saxlayıblar.

“Report” Rusiya mətbuatına istinadən xəbər verir ki, bu barədə mayın 14-də Finlandiyanın Sərhəd Mühafizə Xidməti məlumat yayıb.

Bildirilir ki, hadisə mayın 5-də baş verib. Sənədləri yoxlanılan zaman kişi Azərbaycan vətəndaşı pasportu təqdim edib, lakin onun üzərində saxta Latviya pasportu və sürücülük vəsiqəsi də olub.

Müəyyən edilib ki, o, 2015-ci ildə ölkə ərazisinə giriş üçün lazımi sənədləri olmadığına görə, İsveçdən deportasiya edilib. Bundan sonra o, saxta Latviya səndləri əldə edib və İsveçdə yaşamaq üçün geri qayıdıb.

"Finlandiyada araşdırmaların yekununda ona əcnəbilər haqqında qanunu pozduğuna görə, cərimə kəsilib, ardınca isə o, Rusiya ərazisinə çıxarılıb. İsveç hakimiyyəti araşdırmalarını davam etdirir", – deyə Finlandiya idarəsinin məlumtında bildirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi