İstanbulda tanker boğaz sahilində yerləşən XVIII əsrə aid saraya çırpılıb - FOTO

İstanbulda tanker boğaz sahilində yerləşən XVIII əsrə aid saraya çırpılıb - FOTO Tarixi əhəmiyyətə malik saraya böyük ziyan dəyib
Hadisə
1876
7 Aprel , 2018 20:44
İstanbulda tanker boğaz sahilində yerləşən XVIII əsrə aid saraya çırpılıb - FOTO

Bakı. 7 aprel. REPORT.AZ/ Malta bayrağı altında üzən "Vitaspirit" adlı tanker İstanbulun Bosfor boğazı sahilində yerləşən köhnə saray binasına çırpılıb.

“Report” xəbər verir ki, bu barədə "CNN Turk"ə istinadən "Reuters" məlumat yayıb.

Qəza İstanbulun şimal hissəsində yerləşən Sultan Mehmet Fatih körpüsü yaxınlığında baş verib.

İlkin məlumatlara görə, hadisəyə tankerin sükan avadanlığının ilişməsi səbəb olub. Qəza yerinə sahil mühafizəsinin gəmiləri gələrək tankeri binadan uzaqlaşdırıblar.

Hadisə nəticəsində xəsarət alan olmasa da, tarixi əhəmiyyətə malik XVIII əsrə aid saraya böyük ziyan dəyib. Binanın divar və tavanının yarısı uçub.

Son xəbərlər

Orphus sistemi