İşlədiyi mağazadan oğurluq edən satıcı tutulub

İşlədiyi mağazadan oğurluq edən satıcı tutulub Faktla əlaqədar Qaradağ Rayon Polis İdarəsinin İstintaq şöbəsində cinayət işi başlanılıb
Hadisə
20 Oktyabr , 2017 12:44
İşlədiyi mağazadan oğurluq edən satıcı tutulub

Bakı. 20 oktyabr. REPORT.AZ/ Qaradağ rayonu ərazisindəki ticarət mərkəzlərindən birində çalışan Ramiz Həsənov icarədarı olduğu mağazadan oğuruq olması barədə 10-cu Polis Bölməsinə müraciət edib. 

Daxili İşlər Nazirliyinin mətbuat xidmətindən "Report"a verilən məlumata görə, o, ərizəsində hesabat apararkən 2014-cü ildən cari il oktyabrın 18-dək olan müddətdə mağazadan ümumilkdə 30 000 manat dəyərində məişət əşyalarının çatışmadığını bildirib.

Polis əməkdaşlarında oğurluğun mağazada işləyən satıcı tərəfindən törədilməsində əsaslı şübhələr yarandığından, sonuncu saxlanılaraq Polis Bölməsinə gətirilib.

Araşdırmalarla onun Mingəçevir şəhər sakini Adil Müzəffərov olduğu məlum olub. Satıcı təqribən 3 il ərzində həmin mağazadan dəmir və misdən hazırlanmış məişət əşyalarını oğurlayıb sataraq pulunu mənimsədiyini etiraf edib.

Faktla əlaqədar Qaradağ Rayon Polis İdarəsinin İstintaq şöbəsində cinayət işi başlanılıb.

Son xəbərlər

Orphus sistemi