Yuxarı
    Bağlamaq

    İrandan gələn Azərbaycan vətəndaşlarında 90 qramdan çox heroin aşkar edilib

    Hər iki faktla bağlı araşdırma aparılır

    Bakı. 25 iyul. REPORT.AZ/ İrandan gələn Azərbaycan vətəndaşlarında 90 qramdan çox heroin aşkar edilib. 

    Bu barədə “Report”a Dövlət Gömrük Komitəsinin (DGK) mətbuat xidmətindən məlumat verilib.

    Belə ki, Astara Gömrük İdarəsinin Gömrük hüquqpozmalarına qarşı mübarizə şöbəsinin və Astara sərhəd nəzarət məntəqəsi əməkdaşlarının birgə keçirdiyi əməliyyat tədbirləri nəticəsində İrandan piyada yolla gələn 2 nəfər Azərbaycan vətəndaşı saxlanılaraq qanunvericiliyin tələblərinə müvafiq qaydada onların üzərində şəxsi yoxlama aparılıb. 

    Yoxlama zamanı həmin şəxslərdən birinin daxili orqanından 1 ədəd bükümdə xalis çəkisi 9.606 qram, digərindən isə 2 bükümdə xalis çəkisi 83.418 qram təşkil edən narkotik vasitə - heroin aşkar olunaraq götürülüb.

    Hər iki faktla bağlı araşdırma aparılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi