Yuxarı
    Bağlamaq

    İmişlidə yol qəzası baş verib, xəsarət alanlar var

    Faktla bağlı araşdırma aparılır

    İmişli. 26 oktyabr. REPORT.AZ/ İmişli rayonunda yol-nəqliyyat hadisəsi baş verib. 

    "Report”un Aran bürosunun məlumatına görə, qəza bu gün axşam saatlarında rayonun Məhəmmədli kəndi ərazisində qeydə alınıb. 

    Belə ki, Bakıdan gələn “Mercedes” markalı taksi avtomobili əks istiqamətdə hərəkət edən minik avtomobili ilə toqquşub. Nəticədə “Mercedes”də olan sərnişinlər - rayonun Şahverdili kənd sakinləri, 22 yaşlı Samir İlham oğlu Nəcəfov və 25 yaşlı Rüfət Şakir oğlu Əliyev müxtəlif dərəcəli bədən xəsarətləri alıblar. Onlar İmişli Rayon Mərkəzi Xəstəxanasına çatdırılıb və ilkin tibbi yardımdan sonra hər ikisi ambulator müalicəyə göndəriliblər.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi