Yuxarı

İmişlidə baş verən yol qəzasında bir ailənin 3 üzvü yaralanıb

Sürücü İsa Qasımov anidən idarəetməni itirib və avtomobil yolun kənarına aşıb

Bakı. 9 noyabr. REPORT. AZ/ İmişlidə bir ailənin 3 nəfər üzvünün xəsarət alması ilə nəticələnən yol qəzası baş verib. "Report"un məlumatına görə, hadisə axşam saatlarında rayonun Cahar kəndinin ərazisində qeydə alınıb. 

Ağcabədi rayonunda yaşayan, 1953-cü il təvəllüdlü İsa Hidayət oğlu Qasımov "Mercedes" markalı avtomobillə hərəkətdə olarkən anidən idarəetməni itirib və maşın yolun kənarına aşıb.

Qəza nəticəsində avtomobilin sürücüsü, onun həyat yoldaşı, 1958-ci il təvəllüdlü Məlahət Allahverən qızı Mütəllimova və sürücünün bacısı, 1962-ci il təvəllüdlü Yaqut Hidayət qızı Süleymanova müxtəlif dərəcəli bədən xəsarətləri alıblar.

Yaralılar dərhal İmişli Rayon Mərkəzi Xəstəxanasına çatdırılıblar. Zərərçəkənlər xəstəxananın travmotologiya şöbəsinə yerləşdirilib.

Faktla bağlı İmişli rayon Polis şöbəsində araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi