Bakı. 11 may. REPORT.AZ/ Bakı sakininin çantasından pul və qızıl oğurlayan qadın saxlanılıb.
"Report" xəbər verir ki, bu barədə Daxili İşlər Nazirliyinin rəsmi saytı məlumat yayıb.
Bildirilib ki, Nəsimi Rayon Polis İdarəsinin 22-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində martın 17-də paytaxt sakini Ş.Əliyevanın çantasından 89 manat və qızıl sırğa oğurlamaqda şübhəli bilinən Abşeron rayon sakini Əzimə Bağırova saxlanılıb.