Yuxarı
    Bağlamaq

    ​İbrahim Nehrəmlinin şirkəti məhkəmə qərarından apellyasiya şikayəti verib

    Proses fevralın 8-nə təyin edilib

    Bakı. 6 fevral. REPORT.AZ/ “Avesta Konserni” Məhdud Məsuliyyətli Cəmiyyəti (MMC) 2 saylı Bakı İnzibati-İqtisadi Məhkəməsinin qərarından apellyasiya şikayəti verib.

    “Report” xəbər verir ki, “Holcim” (Azərbaycan) Açıq Səhmdar Cəmiyyətinə (ASC) qarşı apellyasiya şikayətinə fevralın 8-də Bakı Apellyasiya Məhkəməsində baxılacaq.

    Qeyd edək ki, ötən il “Holcim” (Azərbaycan) ASC “Avesta Konserni” MMC-ni məhkəməyə verib. 2 saylı Bakı İnzibati-İqtisadi Məhkəməsinə müraciət edən ASC pul barədə tələb irəli sürüb. Məhkəmə iddianı təmin edib. Qərardan narazı qalan MMC apellyasiya şikayəti ilə Bakı Apellyasiya Məhkəməsinə müraciət edib.

    Xatırladaq ki, “Avesta Konserni”nin sahibi Hacı İbrahim Nehrəmlidir. O, ötən il oktyabr ayının 23-də “Report”a açıqlamasında “Holcim” (Azərbaycan) şirkəti ilə rəhbəri olduğu konsern arasında təxminən 15 min manatlıq pul mübahisəsi olduğunu deyib.

    Qeyd edək ki, tərkibinə bir neçə şirkət daxil olan “Avesta Konserni” çoxmərtəbəli yaşayış binalarının və digər obyektlərin tikintisi ilə məşğul olur.

    “Holcim” (Azərbaycan) ASC isə dünyanın aparıcı sement təchizatçılarından olan “Holcim Qrup”unun bir hissəsi olaraq ölkədə klinker və sement istehsal edən qabaqcıl müəssisələrdən sayılır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi