Heydər Əliyev prospektində yol qəzası olub, xəsarət alan var - VİDEO

Bakı. 26 sentyabr. REPORT.AZ/ Bakıda iki avtomobil toqquşub.

“Report”un xəbərinə görə, Heydər Əliyev prospektində “Toyota Land Cruiser” qarşıda hərəkət edən “Nissan Tiida”ya çırpılıb.

Nəticədə “Nissan Tiida”nın sürücüsü xəsarət alıb.

Əraziyə dövlət yol polisi əməkdaşları və “Təcili yardım” maşını gəlib.

Faktla bağlı araşdırma aparılır.