Bakı. 19 avqust. REPORT. AZ/ Azərbaycan Sahibkarlıq, Özəl və Elm Müəssisələri İşçiləri Həmkarlar İttifaqı Respublika Komitəsinin sədri Tofiq Quliyev vəfat edib. "Report"un xəbərinə görə, T.Quliyev 73 yaşında dünyasını dəyişib.
Qeyd edək ki, Quliyev Tofiq Əşrəf oğlu 1942-ci ildə anadan olub, 1966-cı ildə Asəf Zeynallı adına musiqi məktəbini və 1975-ci ildə Azərbaycan Dövlət Pedaqoji İnstitutunun filologiya fakültəsini bitirib.
1958-ci ildən əmək fəaliyyətinə fəhlə kimi başlayaraq müxtəlif vəzifələrdə çalışıb, 1970-ci ildə Lenin adına Toxuculuq Kombinatının Mədəniyyət klubuna müdir təyin edilib. 1973-cü ildən 2002-ci ilin noyabr ayına kimi Respublika Müəllimlər evinin direktoru işləyib.
1977-ci ildən 2000-ci il tarixinə kimi Azərbaycan Respublikasının
2002-ci ildə Azərbaycan Sahibkarlıq və Elm, Elmi-İstehsalat Müəssisələri İşçiləri Müstəqil Həmkarlar İttifaqı Respublika Komitəsinin sədri seçilib. Sahə Həmkarlar İttifaqı Respublika Komitəsinin V Konfransında (noyabr 2007-ci il) yenidən həmin vəzifəyə seçilib. AHİK-in Məclis və İcraiyyə Komitəsinin üzvü olub.
Əmək fəaliyyəti ərzində "Həmkarlar İttifaqlarının mədəni-maarif müəssisələrində əla fəaliyyətinə görə", "Kəndə mədəni hamilik əlaçısı", "Silahlı qüvvələrə mədəni hamilik əlaçısı" döş nişanları ilə, "Xalqlar dostluğu" ordeni, "Əməkdar mədəniyyət işçisi" fəxri adı və "Azərbaycan Həmkarlar İttifaqlarının 100 illik yubiley" medalı ilə təltif edilib.