Yuxarı

Həbsxanada evlənən ömürlük məhbusun müraciəti rədd olunub

​Həbsxanada evlənən ömürlük məhbusun müraciəti rədd olunub
© Report

Ali Məhkəmədə oğurluqda təqsirləndirilən Sergey Strelyayevin barəsində olan məhkəmə hökmündən kassasiya şikayətinin verilməsi üçün müəyyən edilmiş müddətin bərpası ilə bağlı müraciətə baxılıb.

"Report"un xəbərinə görə, hakim Hafiz Nəsibovun sədrliyi ilə keçirilən prosesdə qərar elan olunub.

Qərara əsasən, kassasiya şikayətinin verilməsi üçün müəyyən edilmiş müddətin bərpası rədd edilib.

Qeyd edək ki, S.Strelyayev 1997-ci ildə iki qonşusunu qətlə yetirib və ömürlük həbs cəzasına məhkum olunub. O, növbəti instansiya məhkəmələrinə müraciət etməyib. Buna görə müddətin bərpası üçün Ali Məhkəməyə üz tutub.

O, ömürlük azadlıqdan məhrumetmə cəzasının 20 ilə endirilməsini və ya işinə yenidən baxılmasını istəyib.

Xatırladaq ki, şair olan S.Strelyayev həbsxanada bir neçə kitab yazıb. O, 2013-cü ildə isə həbsxanada Lüdmila Oleynikova ilə evlənib.

S.Strelyayev L.Oleynikova ilə 2011-ci ildə öz kitabının təqdimatı zamanı tanış olub. Sonra məktublaşıblar və telefonla danışıblar. Qadın onun ziyarətinə gəlməyə başlayıb. Daha sonra S.Strelyayev L.Oleynikovaya evlənmək təklifi edib. Onların bu nikahdan bir övladı var.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi