Hacıqabulda gənc oğlanın meyiti aşkarlanıb - YENİLƏNİB

Hacıqabul rayonunda küçədə tapılan meyitin kimə məxsus olduğu məlum olub.

"Report"un Aran bürosu xəbər verir ki, bu, rayon sakini, 1991-ci il təvəllüdlü  İsmayılov Amid Azad oğlunun meyiti olub. 

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Hacıqabul rayon şöbəsinə göndərilib.

Faktla bağlı araşdırma aparılır.

*** 07:12

Hacıqabul rayonunda kişi meyiti tapılıb.

"Report"un Aran bürosu xəbər verir ki, meyit Hacıqabul şəhəri, M.Müşfiq küçəsində aşkar edilib. Hadisə baş verən əraziyə hüquq-mühafizə orqanlarının əməkdaşaları və Təcili Tibbi yardım Stansiyasının həkimləri cəlb olunub. Hələlik şəxsiyyəti məlum olmayan ölən şəxsin gənc olduğu bildirilir. 

faktla bağlı araşdırmalara başlanılıb.