​Hacıqabulda baş verən yol qəzasında Türkiyə vətəndaşı ölüb

Bakı. 25 may. REPORT.AZ/ Hacıqabul rayonu, Muğan qəsəbəsində “Volvo” və “Shacman” markalı iki yük avtomobili toqquşub. “Report” Fövqəladə Hallar Nazirliyinin (FHN) rəsmi saytlna istinadən xəbər verir ki, hadisə nəticəsində “Volvo” markalı yük avtomobilinin sürücüsü - Türkiyə Respublikasının vətəndaşı Hamza Ötük aldığı ağır bədən xəsarətlərindən dünyasını dəyişib. Yanğınsöndürən-xilasedicilər Hamza Ötükün cəsədini avtomobildən çıxarıb və Təcili Tibbi Yardım Stansiyasının əməkdaşlarına təhvil veriblər. Əməliyyat saat 03:09-da başa çatıb.