Yuxarı

Hacıqabulda 60 hektardan çox ərazi su altında qalıb

İki kənd təhlükə ilə üzləşib

"Əgər sel suları belə davam edərsə vəziyyət kiritik həddə çata bilər"

Bakı. 18 aprel. REPORT.AZ/ "Ötən gündən başlayaraq Şamaxı və Hacıqabul ərazisindəki dağlara yağan güclü leysan Pirsaatçayda gursululuq yaradıb. Nəticədə Hacıqabul rayonunda 60 hektardan çox ərazi su altında qalıb". Bunu "Report"a açıqlamasında Hacıqabul rayon fövqəladə hallar komissiyasının sədri Sahib Aslanov bildirib.

O qeyd edib ki, rayonun Rəncbər və Nəvahi kəndləri təhlükə ilə üzləşib: "Rəncbər və Nəvahi kəndlərinin sel sularına məruz qalmaması üçün həmin kəndlərin ərazilərinə müxtəlif təyinatlı texnikalar və canlı qüvvə cəlb olunub. Hazırda sözügedən kəndlərdə bəndvurma işləri aparlır. Pirsaatçay su anbarı sel suları ilə dolub və anbarda təmizləmə işləri aparılır. Əgər sel suları belə davam edərsə, vəziyyət kiritik həddə çata bilər".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi