Yuxarı
    Bağlamaq

    Rayon sakininin 145 min manat pulunun və evinin ələ keçirilməsi ilə bağlı cinayət işi başlanılıb

    Hazırda iş üzrə zəruri istintaq-əməliyyat tədbirləri davam etdirilir

    Bakı. 16 fevral. REPORT.AZ/ Baş prokuror yanında Korrupsiyaya qarşı Mübarizə Baş İdarəsi tərəfindən Hacıqabul rayon sakininin saxta sənədlər əsasında ona mənzil satılması barədə “Qaynar xətt” mərkəzinə etdiyi müraciəti araşdırılıb.

    "Report"un məlumatına görə, bu barədə Baş prokurorluğun mətbuat xidmətdən bildirilib. Araşdırma zamanı Bakı şəhərində əmlak alqı-satqısı ilə məşğul olan Samir Rzayevin “Günəş Holdinq” MMC-yə məxsus mənzili özününkü kimi təqdim edərək dələduzluq yolu ilə saxta müqavilə və arayışlar əsasında Hacıqabul rayon sakininin adına rəsmiləşdirəcəyini vəd edərək 145 min manat məbləğində pulunu və 120 min manat dəyərində evini ələ keçirməsinə şübhələr üçün əsaslar olduğundan fakta görə Cinayət Məcəlləsinin 178.3.2(külli miqdarda dələduzluq) və 320.1-ci (rəsmi sənədləri, möhürləri, ştampları, blankları saxtalaşdırma, hazırlama və ya satma) maddələri ilə cinayət işi başlanılıb.

    Hazırda iş üzrə zəruri istintaq-əməliyyat tədbirləri davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi