Yuxarı

Gürcüstandan ölkəyə pirotexniki vasitələrin gətirilməsinin qarşısı alınıb

Bakı. 5 dekabr. REPORT.AZ/ Dövlət Gömrük Komitəsinin Qərb Ərazi Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olmuş məlumat əsasında, idarənin "Qırmızı Körpü" gömrük postunda Gürcüstandan qayıdan, Azərbaycan vətəndaşının idarə etdiyi "İsuzu" markalı avtomobil saxlanılıb.

Komitədən “Report”a verilən məlumata görə, vətəndaş ilə gömrük bəyannaməsinin bəndlərinə uyğun olaraq şifahi sorğu-sual aparılıb. Sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilmiş hər hansı predmetin olmadığını bildirsə də, avtomobilin salonunda, sol karnizlərin içərisində xüsusi düzəldilmiş saxlanc yerində, üzərində "Petarda Blyskowo" yazısı olan 1 332 ədəd, üzərində "Petardy" yazısı olan 3 000 ədəd, üzərində "Triangle" yazısı olan 4 000 ədəd pirotexniki vasitələr aşkar olunub.

Faktla bağla araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi