Gürcüstanda azərbaycanlılara məxsus avtomobillər qarət olunub

Gürcüstanda azərbaycanlıların yığcam yaşadığı Marneuli rayonunda bir gecədə 4 avtomobil qarət olunub.

“Report”un Gürcüstan bürosu xəbər verir ki, oğru və ya oğrular avtomobillərin şüşələrini sındıraraq müxtəlif əşyalar götürüblər.

Polis azərbaycanlılara məxsus avtomobillərin qarət olunması ilə bağlı araşdırma aparır. Faktla bağlı hələ ki, saxlanılanların olmadığı bildirilir.