Gürcüstanda azərbaycanlı qız qaçırıldı, ombudsman məsələni diqqətə götürdü - Yenilənib

Gürcüstanda azərbaycanlı qız qaçırıldı, ombudsman məsələni diqqətə götürdü - Yenilənib Gürcüstanın Marneuli rayonunda bu gün günorta saatlarında qaçırılan 17 yaşlı azərbaycanlı qızın yaxınları polis bölməsinin qarşısında aksiya keçiriblər.
Hadisə
438
14 Fevral , 2020 21:30
Gürcüstanda azərbaycanlı qız qaçırıldı, ombudsman məsələni diqqətə götürdü - Yenilənib

Gürcüstanın Marneuli rayonunda bu gün günorta saatlarında qaçırılan 17 yaşlı azərbaycanlı qızın yaxınları polis bölməsinin qarşısında aksiya keçiriblər.

“Report”un yerli bürosu xəbər verir ki, onlar qızın yerinin bu vaxta qədər müəyyən olunmamasından narahatlıqlarını ifadə ediblər.

Gürcüstan ombudsmanı Nino Lomcaria məsələni diqqətə götürüb. O, Marneuliyə səfər edib, qızın yaxınları ilə görüşüb və polis idarəsində olub.

N.Lomcaria hüquq-mühafizə orqanlarını faktla bağlı araşdırmanı sürətləndirməyə çağırıb.

İnsan haqları üzrə müvəkkil qızqaçırılması faktını tənqid edib: “Məktəbli qızın zorla qaçırılması, digər qızların da təhsil almalarına ciddi problem yarada bilər”.


19:21***

Gürcüstanın Marneuli rayonunun mərkəzində bir neçə oğlan 17 yaşlı azərbaycanlı qızı zorla maşına mindirərək aparıblar.

“Report”un yerli bürosu xəbər verir ki, hadisə qızın sinif yoldaşları ilə birgə hazırlıqdan qayıtdığı zaman baş verib.

Polis faktla bağlı araşdırmaya başlayıb.

Son xəbərlər

Orphus sistemi