Bakı. 26 fevral. REPORT.AZ/ Azərbaycandan Gürcüstana qaçaq yolla tütün məhsulları keçirən Azərbaycan vətəndaşı “Qırmızı körpü” gömrük-buraxılış məntəqəsində saxlanılıb.
“Report” “Apsny”yə istinadən xəbər verir ki, məlumatı Gürcüstan Maliyyə Nazirliyi İstintaq xidməti yayıb.
Azərbaycan vətəndaşından “Mercedes” markalı avtomobildə xüsusi yerdə gizlədilən, bəyannamədə göstərilməyən 2,7 min dollara yaxın tütün məhsulu aşkarlanıb.
Faktla bağlı cinayət işi açılıb.
Azərbaycan vətəndaşı cərimə və ya 3 ildən 5 ilədək azadlıqdan məhrum edilə bilər.