Yuxarı

"Günəşli" yatağındakı qəzada itkin düşənlərin axtarışı ilə bağlı son məlumatlar açıqlanıb

"Günəşli" yatağındakı qəzada itkin düşənlərin axtarışı ilə bağlı son məlumatlar açıqlanıb
Helikopterlərin işə cəlb olunması ümid verir ki, neftçilərin tapılması istiqamətində nəticə əldə olunacaq

Bakı. 8 dekabr. REPORT.AZ/ Dekabrın 4-də Azərbaycan Dövlət Neft Şirkətinin (SOCAR) "Günəşli" yatağındakı 10 saylı dərin dəniz özülündə baş vermiş qəzada itkin düşənlərin axtarışı istiqamətində bütün cəhdlərə baxmayaraq, bu gün saat 11:00-a olan məlumata görə, hələlik nəticə əldə olunmayıb. "Report" xəbər verir ki, "Azneft" İstehsalat Birliyinin baş mühəndisi Balamirzə Ağarəhimov bildirib. 

O qeyd edib ki, səhər saatlarından helikopterlər axtarış işlərinə başlayıb. "Helikopterlərin işə cəlb olunması ümid verir ki, neftçilərin tapılması istiqamətində nəticə əldə olunacaq". Baş mühəndisin sözlərinə görə, FHN-in 4 helikopteri və Sərhəd Mühafizə Xidmətinin iki helikopteri və 5 gəmisi cəlb olunub. 

"Neft daşları" yatağında itkin düşmüş 3 nəfərin axtarışı 3 istiqamətdə davam etdirilir. Axtarış Geofizika gəmisi, helikopter və dalğıclarla aparılır. O qeyd edib ki, yanğının söndürülməsi ilə əlaqədar işlər 24 saat davam edib. "Hazırda tərtibat meydançanın üzərinə yerləşdirilib, onun quraşdırılması həyata keçirilir. Yeni gəmi cəlb olunub. Saatda 1500-2000 kubmetr su vurma gücündə olan nasos quraşdırılacaq. Yanğın hazırda bir neçə qaz quyusunda davam edir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi