Yuxarı

Göygöldə avtomobil piyadanı vuraraq öldürüb, sürücü qaçıb

Hazırda avtomobilin markası və sürücünün kimliyi araşdırılır

Gəncə. 19 avqust. REPORT.AZ/ Göygöl rayonunda piyadanın ölümü ilə nəticələnən yol-nəqliyyat hadisəsi baş verib.

Gəncə şəhər Təcili Tibbi Yardım Xəstəxanasından “Report”un Qərb bürosuna verilən məlumata görə, Gəncə şəhər sakini 1971-ci il təvəllüdlü Elşən Məmmədov ağır vəziyyətdə xəstəxanaya gətirilib.

Göstərilən bütün tibbi yardımlara baxmayaraq onun həyatını xilas etmək mümkün olmayıb. Məlumata görə, E.Məmmədov Göygöl rayon Quşqara kəndi ərazisində yolu keçmək istəyərkən nəməlum avtomobil tərəfindən vurulub.

Hazırda hüquq-mühafizə orqanları tərəfindən hadisə yerindən qaçan avtomobilin markası və sürücünün kimliyi araşdırılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi