Göygöldə istirahət mərkəzində yanğın baş verib

Bakı. 29 iyul. REPORT.AZ/ Gecə saatlarında Göygöl rayonunun Toğanalı kəndində yerləşən istrahət mərkəzində yanğın baş verib.

"Report" Fövqəladə Hallar Nazirliyinə istinadən xəbər verir ki, nəticədə vətəndaşa məxsus ümumi sahəsi 3000 m2 olan istrahət mərkəzinin mətbəxinin yanar konstruksiyaları 150 m2, 2 ədəd "Beko" markalı vitrin və 1 ədəd "Orsk" markalı soyuducu yanıb.

İstirahət mərkəzinin qalan hissəsi və meşə zolağı yanğından mühafizə olunub. Yanğın saat 03:30-da yanğınsöndürənlər tərəfindən söndürülüb.