Göygöl. 17 dekabr. REPORT.AZ/ Göygöl rayonunda baş verən ağır yol-nəqliyyat hadisəsi zamanı xəsarət alanların şəxsiyyəti məlum olub.
"Report"un Qərb bürosunun məlumatına görə, Bərdə rayon sakini, 1978-ci il təvəllüdlü Elçin Vahid oğlu Əliyev idarə etdiyi bettonqarışdıran maşınla hərəkətdə olan zamanı idarəetmədən çıxaraq qarşı tərəfdən gələn "VAZ-2107" və "Ford" markalı avtomobillərin üstündən keçib.
Hadisə zamanı hər iki minik maşınının sürücüsü və avtomobillərdə olan sərnişinlər - Göygöl rayon sakinləri, 1991-ci il təvəllüdlü Asim Məhəmməd oğlu Kəlbiyev, 1989-cu il təvəllüdlü İlkin Mustafa oğlu Əlizadə və 1967-ci il təvəllüdlü Rəhim Hikmət oğlu Məmmədov müxtəlif dərəcəli bədən xəsarətləri alıblar. Yaralılar xəstəxanaya çatdırılıb.
Faktla bğalı araşdrımalara başlanılıb.
*** 12:26
Göygöl. 17 dekabr. REPORT.AZ/ Göygöl rayonunda ağır yol-nəqliyyat hadisəsi baş verib.
"Report"un Qərb bürosunun məlumatına görə, hadisə Hacıkənd yolunda qeydə alınıb.
Belə ki, betonqarışdıran maşını 2 minik avtomobilinin üstündən keçib. Hadisə nəticəsində bir neçə nəfərin ağır bədən xəsarətləri aldığı bildirilir. Yaralılar ətrafdakıların köməyi ilə xəstəxanaya çatıdırlıblar.
Qəzanın baş verməsinin səbəbləri araşdırılır.