Göygöldə avtomobil yoldan çıxaraq qəzaya uğrayıb

Göygöl. 17 iyun. REPORT.AZ/ Göygöl rayonunun Yeni Qızılca kəndində minik avtomobili yoldan çıxaraq qəzaya uğrayıb.

"Report"un Qərb bürosunun məlumatına görə, idarəetmədən çıxan avtomobil yol kənarındakı qaz xəttinə çırpılaraq boruları sındırıb.

Sürücü yüngül xəsarət alsa da, avtomobilə ciddi ziyan dəyib.

Faktla bağlı araşdırma aparılır.