Göygöldə avtomobil qəzasında xəsarət alanların adları məlum olub - YENİLƏNİB

Göygöl rayonunda avtomobil qəzasında xəsarət alanların şəxsiyyətləri məlum olub.

"Report"un Qərb Mərkəzinin məlumatına görə, "VAZ-2107" markalı avtomobilin başqa bir maşınla toqquşması nəticəsində Həvva İmamverdiyeva, Adil İmamverdiyev və Aytən İmamverdiyeva müxtəlif bədən xəsarətləri alıb.

H.İmamverdiyevanın qolu sınıb. Digərlərinin vəziyyəti isə qənaətbəxş hesab olunur.

Qeyd edək ki, qəza zamanı avtomobildə ailənin az yaşlı uşağıda olub, lakin onun xəsarət almadığı bildirilir.

Faktla bağlı araşdırma aparılır.

***19:19

Göygöl rayonunda yol qəzası baş verib.

"Report"un Qərb bürosunun məlumatına görə, hadisə rayonun Yeni Qızılca kəndi ərazisində qeydə alınıb.

Hadisə zamanı xəsarət alanların olduğu bildirilir.

Hazırda hadisə yerinə təcili tibbi yardım briqadası və Dövlət Yol Polisi əməkdaşları cəlb olunub.

Faktla bağlı araşdırma aparılır.