Göyçayda elektrik naqilləri oğurlayan şəxslər saxlanılıblar

Göyçayda elektrik naqilləri oğurlayan şəxslər saxlanılıblar Göyçay rayonunda elektrik naqilləri oğurlayan şəxslər saxlanılıb.
Hadisə
16 Dekabr , 2019 11:59
Göyçayda elektrik naqilləri oğurlayan şəxslər saxlanılıblar

Göyçay rayonunda elektrik naqilləri oğurlayan şəxslər saxlanılıb.

Daxili İşlər Nazirliyinin (DİN) Mətbuat Xidmətinin Şəki regional qrupundan "Report"a verilən məlumata görə, Göyçay Rayon Polis Şöbəsinin (RPŞ) əməkdaşları rayonun Qarayazı kəndində xidmətdə olan zaman istismarı dayandırılmış elektrik naqillərinin 2 nəfər şəxs tərəfindən oğurluq məqsədi ilə kəsildiyini müəyyən edib, onları elə “iş başında” yaxalayıblar.

Dərhal əraziyə əməliyyat-istintaq qrupu cəlb olunub.

İlkin araşdırma zamanı naqilləri oğurlamaq istəyən şəxslərin İsmayıllı rayonunun Qubaxəlilli kənd sakinləri-əvvəllər məhkum olunmuş Natiq Həsəni Oqtay Şirinov olduqları müəyyən edilib. Onlar şübhəli şəxs qismində saxlanılaraq Polis Şöbəsinə gətiriliblər. Oğurluq məqsədilə kəsilmiş naqillər və dəmirkəsən alətlər həmin ərazidən maddi sübut kimi götürülüb.

Faktla bağlı Göyçay RPŞ-də araşdırma aparılır.

Son xəbərlər

Orphus sistemi