Goranboyda traktorun aşması nəticəsində xəsarət alanların kimliyi məlum olub - YENİLƏNİB

Goranboy. 14 iyul. REPORT.AZ/ Goranboyda traktorun aşması nəticəsində xəsarət alanların adları məlum olub.

"Report"un Qərb bürosunun məlumatına görə, bunlar Goranboy rayon sakinləri Həsənov Xəyal Mədət oğlu, Məhərrəmov Daşqın, Kərimov Rafael Fərman oğlu və daha ağır yaralı olan Əsgərov Xanpolat Zahid oğludur.

Məlumatlara görə, kənd ərazisində fəsadlı yoldan keçmək istəyən zaman traktor aşıb və yol kanarındakı su arxına düşüb.

Faktla bağlı araşdırmalara başlanılıb.

***03:05

Goranboy. 14 iyul. REPORT.AZ/ Goranboy rayonunda traktor aşıb, ağır yaralılar var.

"Report"un Qərb bürosunun məlumatına görə, rayonun Qurbanzadə kənd ərazisində traktorun aşması nəticəsində 4 nəfər ağır yaralanıb. Onlardan birinin ölümcül yaralandığı bildirilir.

Faktla bağlı araşdırma aparılır.

Əlavə məlumat veriləcək.