Yuxarı
    Bağlamaq

    Goranboyda sərxoş kişi yaşadığı evdə partlayış törədib

    Hadisə zamanı yüngül xəsarət alan şəxs polis tərəfindən saxlanılıb© Foto: Report.az

    Goranboy. 29 iyul. REPORT.AZ/ Goranboy rayonunun Qarasüleymanlı kəndində 45 yaşlı kişi sərxoş halda evində partlayış törədib.

    "Report"un Qərb bürosunun məlumatına görə, 1972-ci il təvəllüdlü kənd sakini Asif Əli oğlu Bayramov yaşadığı 2 otaqdan ibarət evdə mətbəxt üçün nəzərdə tutulmuş qaz balonunu alışdıraraq kənara atıb.

    Nəticədə partlayış baş verib. Məlumata görə, o, ikinci balonu partlatmağa cəhd etsə də, hadisə yerinə gələn qonşuların köməkliyi ilə bunun qarşısı alınıb.

    Əraziyə Fövqəladə Hallar Nazirliyinin Goranboy Rayon Yanğından Mühafizə Hissəsinin yanğınsöndürən maşınları və polis əməkdaşları cəlb olunub. Partlayış nəticəsində evə qismən ziyan dəyib. Hadisə zamanı yüngül xəsarət alan A.Bayramov isə polis əməkdaşları tərəfindən saxlanılıb.

    İnsident baş verən vaxt evdə ondan başqa heç kim olmayıb.

    Kişinin bu addımı atmasının səbəbi hələlik məlum deyil.

    Faktla bağlı araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi