Yuxarı

Goranboyda oğurluq hadisəsi baş verib - FOTO

Mağazadan 600 manat pul, 3 min manatdan çox dəyərində tütün və ərzaq məhsulları oğurlanıb

Bakı. 23 noyabr. REPORT.AZ/ Goranboy rayonunda oğurluq hadisəsi baş verib.

"Report" xəbər verir ki, hadisə rayonun Veysli kəndində qeydə alınıb. 

Belə ki, kənd ərazisində fəaliyyət göstərən və Rais Kərimova məxsus marketə gecə saatlarında daxil olan naməlum şəxslər mağazanın müşahidə kameralarını sındıraraq, videoyazını yaddaşda saxlayan qurğunu özləri ilə aparıblar. Oğrular həmçinin 600 manat pul, 3 min manatdan çox dəyərində tütün və digər ərzaq məhsulları da oğurlayıblar. 

R.Kərimov özü marketin qarət olunmasından səhər saatlarında xəbər tutub. Belə ki, o, mağazanın kilidlərinin sındırıldığını və obyektin talandığını görüb. 

Faktla bağlı Goranboy Rayon Polis Şöbəsi tərəfndən araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi