Goranboyda karantin rejimini pozan kafe sahibləri cərimələnib

Goranboy Rayon Polis Şöbəsinin əməkdaşları inzibati ərazilərində xidmət aparan zamanı rayonun Dəliməmmədli şəhərində və Balakürd kəndində gecə saatlarında gizli şəkildə fəaliyyət göstərən kafe aşkarlayıb.

Daxili İşlər Nazirliyinin Mətbuat Xidmətinin Gəncə regional qrupundan "Report"a verilən məlumata görə, obyek sahibləri və müştərilər qanunla müəyyən edilmiş qaydada saxlanılaraq Polis Şöbəsinə gətiriliblər və barələrində qanunamüvafiq tədbir görülüb.